क्रिकेटर विराट कोहली र अभिनेत्री अनुष्का शर्मालाई पुत्री लाभ
फिल्मी फण्डा । भारतीय क्रिकेट टिमका कप्तान विराट कोहली र बलिउडकी अभिनेत्री अनुष्का शर्मालाई पुत्री लाभ भएको छ।
सोमबार कोहलीले ट्वीट गर्दै पुत्री लाभ भएको जानकारी गराएका छन्।
हामी दुबै जनालाई यो जानकारी दिन पाउँदा खुशी लागेको छ कि, आज साँझ हाम्रो छोरी भएको छ। हामी तपाईंहरूको माया र मंगल कामनाको मन देखिनै आभारी छौं, कोहलीले लेखेका छन्।
हाम्रो सौभाग्य हो कि हाम्रो जिन्दगीको यो च्याप्टर अनुभव गर्न पायौं, उनले लेखेका छन्,हामीलाई थाहा छ तपाईंहरूले यो समयमा हामीलाई केही गोपनियता आवश्यक भएको बुझ्नुहुन्छ।
उनीहरू आमा बावु बन्न लागेकोबारे पहिले नै घोषणा गरेका थिए। कोहलीसँग वैवाहिक बन्धनमा बाँधिएकी अनुष्काले गत अगस्टमा आफू आमा बन्न लागेको घोषणा गरेकी थिइन्।
यसमा तपाइँको प्रतिक्रिया दिनुहोस