मनको दाग आँशुले धुदैँ यूवराज

पछिल्ला समयका व्यस्त अनि चर्चित गायक यूवराज चौलागाईले मनको दागलाई आँशुले धुने प्रयास गरेका छन् । उनले यो प्रयास भने मनको दाग बोलको गीतको लागि अभिनयमा गरेका हुन् ।

उनी लगायत अनुश्का पाठकको समेत स्वर रहेको मनको दाग बोलको गीतलाई बजारमा ल्याईएको छ । भुषण दाहालले निर्देशन गरेको गीतमा यूवराज स्वयम र गायिका अनुश्का अभिनयमा देखिएका छन् ।

गीतमा संगीत पनि यूवराजकै छ । अनुश्का पाठकको शब्द रहेको गीतलाई महाराज थापाले एरेञ्ज गरेका हुन् । अनुश्काको मायामा धोका माएपछि मनमा बसेको उक्त विछोडको पिडालाई गायक यूवराजले आँशुले धुने प्रयास गरेका छन् ।