पल र पूजाको म यस्तो गीत गाउँछु फ्लोरमा
सुदर्शन थापाको निर्देशनमा बन्न लागेको फिल्म म यस्तो गीत गाउँछुको छायाँकन प्रारम्भ भएको छ । बिहिबार राजधानीको स्वयम्भु नजिकैबाट फिल्मको छायांकन शुरु गरेको हो ।
क्यामेरा पुगा गर्दै अभिनेता पल शाह र अभिनेत्री पूजा शर्माले फिल्मको लागी पहिलो दृश्य दिएका थिए । पल र पूजा फिल्मका लिड कलाकार हुन् । फिल्मका कलाकारसँगै प्राविधिक र निर्देशकले क्यामेरा पूजा गरेर छायांकन सुरु गरिएको थियो ।
४० दिनको अवधि लिएर फ्लोरमा गएको फिल्मको छायाँकन ४ दिनसम्म मुहर्त भएकै ठाउँमा चल्नेछ । सरोज खनाल, रुपा खनाल, प्रज्वल सुजल गिरी पनि फिल्ममा लिड अभिनयमा हुनेछन् । फिल्मलाई काठमाडौंसँगै पोखरा र मुस्ताङमा खिचिने निर्देशक थापाले बताए ।
सुदर्शन थापा फिल्मस्को ब्यानरमा निर्माण हुन लागेको फिल्ममा सुदर्शन थापाको लगानी छ भने अभिनेत्री पूजा शर्मा सहनिर्मात्रीमा छिन् । अर्जुन पोखरेलको संगीत रहने फिल्मलाई संजय लामाले खिच्दैछन् ।
यसमा तपाइँको प्रतिक्रिया दिनुहोस