सलमानले अक्षय कुमारलाई मुख्य नायक लिएर चलचित्र बनाउने
बलिउड नायक सलमान खान आफ्नो दबंग अन्दाजका कारण चर्चामा रहन्छन् । उनले, एक पटक बोलेपछि त्यो कुरा पुरा गरेरै छाड्छन् । उनै सलमानले केहि हप्ता अगाडि अर्का नायक अक्षय कुमारलाई मुख्य नायक लिएर चलचित्र बनाउन लागेको घोषणा गरेका थिए ।
अक्षयको मुख्य भूमिका रहने चलचित्रमा करण जोहरको पनि लगानी रहनेछ । सन् २०१८ मा यो चलचित्र रिलिज हुने समेत बताइएको थियो । तर, केहि दिनयता नायक सलमान खान र अक्षय कुमारले एकसाथ चलचित्र गर्न नलागेको खबर सार्वजनिक भैरहेका थिए ।
सलमानले नै अक्षयसँग चलचित्रमा काम गर्न नलागेको लगायतका खबरले भारतीय मिडियामा चर्चा पाइरहेका थिए । तर, अब यो खबरको नायक सलमान खान र अक्षय कुमारले मिलेर जवाफ दिएका छन् ।सलमानले ट्विटरमा लेखेका छन् हल्लामा ध्यान नदिनुहोस् । किनकी, जब मैले एकपटक बाचा गरिसकेको हुन्छु, त्यसपछि – अक्षय कुमारको साथमा चलचित्र गर्दैछुको मतलब गर्दैछु ।’
सलमानको यो ट्विटपछि अक्षयले पनि लेखेका छन् ‘एउटा भरोसाले भरिएको सम्बन्धका कारण यो संभव भएको हो । तपाई र तपाइको परिवारलाई होलीको शुभकामना ।’
बजारमा चलेको हल्लालाई सलमान र अक्षयले मिलेर सामाना गरेका छन् । जसले, यी दुइको गहिरो मित्रतालाई पनि झल्काएको छ ।
यसमा तपाइँको प्रतिक्रिया दिनुहोस