राज्जा रानीबाट दीपक क्षेत्रीलाई सहयोग
अभिोता दीपक क्षेत्री स्वर गुमाएपनि अभिनयमा सक्रिय छन् । यी पाका अभिनेताको स्वर फिर्ता गराउन राज्जा रानीले पहल सुरु गरेको छ । राज्जा रानी निर्माता एमके पौडेलले १ लाख ११ हजार १ सय ११ रुपैयाँ बैंक खाता खोलेर जम्मा गर्ने घोषणा गरेर पहल शुरु गरेको हो । पछि कलाकार र प्राविधिकले पनि सहयोगी हातहरु अघि बढाएका हुन् ।
हालसम्म २ लाख २१ हजार संकलन भएको छ । राज्जा रानीको सुटिङ सेटमा अभिनेता क्षेत्रीका लागि युनिटले सरप्राइज जन्मदिन पार्टी आयोजना गरेको थियो जहाँ निर्माता पौडेलले स्वर फिर्ता गराएर छाड्ने वचन व्यक्त गरे । स्वर नलीमा मासु पलाएकाले क्षेत्रीको स्वर गुमेको चिकित्सकहरुको भनाई छ । सहयोग गर्नेमा कलाकार केकी अधिकारी र नाजीर हुसेनले पच्चिस हजार, छायांकार पुरुषोत्तम प्रधानले दश हजार, र अन्यबाट तीस हजार सहयोग गर्ने प्रतिवद्धता भएको छ ।
यसमा तपाइँको प्रतिक्रिया दिनुहोस