कस्तो छ त एश्वर्या राय र करण जोहर बीचको सम्बन्ध,
बलिउड निर्देशक करण जोहरको अभिनेत्री ऐश्वर्या रायसँग सम्वन्ध बिग्रेको छ । पछिल्ला दिनहरुमा उनीहरु एक-अर्कासँग बोल्न पनि छाडेका छन् । समाचार अनुसार ‘ए दिल है मुश्किल’ को प्रमोसनका क्रममा यी दुईबीच मनमुटाब सुरु भएको थियो ।
सो फिल्ममा रणवीर कपुर हिरो थिएन भने हिरोइन दुई जना थिए, ऐश्वर्या र अनुष्का शर्मा । फिल्ममा दुवै हिरोइनको समानान्तर भूमिका थियो । सो फिल्मको प्रमोसनका बेला अनुष्का अर्को प्रोजेक्टमा विजी भइन् र प्रमोसनमा समय दिन पाइनन् । ऐश्वर्या खाली नै थिइन् र प्रमोसनमा हिँड्न इच्छुक पनि थिइन् ।
तर, करणले उनलाई वेवास्ता गरे । करणलाई यो चाहँदैनथे कि फिल्मको प्रमुख नायिका ऐश्वर्या भएको र अनुष्का सहनायिका भएको भ्रम दर्शकलाई परोस । त्यसैले अनुष्का नगएका कार्यक्रममा उनले ऐश्वर्यालाई पनि लगेनन् । यही कारणले ऐश्वर्या करणसित रुष्ट भएको भारतीय सञ्चारमाध्यमहरुले जनाएका छन् । तर उनले करणसामु आफ्नो आक्रोश भने पोखिनन् ।
जब करण अर्को प्रोजेक्टका लागि ऐश्वर्यार्लाइ अफर लिएर गए, त्यसलाई ऐश्वर्याले ठाडै रिजेक्ट गरिदिइन् । अनि बल्ल करणलाई थाहा भयो कि ऐश्वर्या उनीसँग रिसाएकी छिन् । त्यसपछि करणले पनि ऐश्वर्यालाई भाउ दिन छोडिदिए । फलस्वरुप उनीहरुबीचको सम्वन्ध टुटेको हो । गत हप्ता ऐश्वर्याका बाबु कृष्णराज रायको मृत्यू भयो ।
बलिउडका सबैजसो हस्ति उनको अन्त्यष्टीमा सहभागी भए तर करणको नाकमुख देखिएनन् । कुनै बेलाकी निकट साथीलाई समवेदना व्यक्त गर्न करण नजानुले यी दुईबीच गम्भीर फाटो आएको संकेत गर्छ । यसअघि करणको अर्की अभिनेत्री काजोलसँग पनि दोस्ति टुटेको थियो । विवाहित नायिकाहरुसँग धमाधम सम्वन्ध बिगि्रदा अविवाहित करण खासै चिन्तित छैनन् ।
यसमा तपाइँको प्रतिक्रिया दिनुहोस