कारखाना चल्नेकी डुब्ने दर्शकको हातमा, निर्माताबाट निर्देशक माथी अन्याय

फिल्मी फण्डा । आउँदो शुक्रवारबाट अल नेपाल प्रदर्शनमा आउन लागेको वर्षा सिवाकोटी र शुशील श्रेष्ठ अभिनित फिल्म कारखाना दर्शकहरुका लागि प्रतिक्षित फिल्म हो । प्रेमका लागि घरपरिवार छाडेर हिँडेकी एक यूवतीको संघर्षको कथा बोल्ने फिल्मलाई दयाराम दाहाल, सुशील पोखरेल र अमरदीप सापकोटाको संयुक्त प्रयासमा लेखिएको हो भने फिल्मलाई अमरदीपले निर्देशन गरेका हुन् ।

फिल्म चल्ने हो की डुब्ने हो त्यो भने दर्शककै हातमा छ । तर फिल्ममा निर्देशक माथी अन्याय भएको बुझिएको छ । फिल्मको छायांकन सम्मा निर्माण टिम मिलेर काम गरेका थिए । तर जब फिल्मको छायांकन सकियो तब फिल्ममा युनिट भित्र विवाद चर्कन थाले । अर्थात फिल्मका निर्माता र निर्देशक बिच विवाद हुन थाले । पछि निर्देशकलाई चलचित्रबाट निकालीदिए । चलचित्रको पोष्ट प्रोडक्शनमा निर्देशकलाई बोलाईएन ।

अहिले कारखानाका निर्माता र निर्देशकमा आगो र पानी को सम्बन्ध रहेको छ । फिल्मका निर्देशकको कन्सेप्टमा खिचीएको फिल्मलाई निर्माताले कसरी सम्पादनमा मिलाए होला त त्यो त शुक्रवार नै थाहा होला । तर निर्देशक अमरदिप भने फिल्म राम्रो तरीकाले खिचीएको तर सम्पादनमा समस्या हुन सक्ने बताएको छ । चलचित्रलाई लिएर कलाकारद्धय बर्षा शिवाकोटी र शुशिल श्रेष्ठ उत्साहित भएका छन् ।

तर चलचित्रले सार्थकता दिने हो की हैन त्यो त केही दिनमै थाहा हुनेछ । हामीले चलचित्रका निर्माता र निर्देशकसँग बुझ्दा एकले अर्कोलाई दोषारोपण गरेको छ । निर्माताका अनुसार निर्देशकले छायांकनमा निकै दुख दिएको र आफ्नै तरीकाले छायांकन गरेको दावी रहेको छ । यता निर्देशकले निर्माताले काममा बाधा पु¥याएको र मन लाग्दो गर्न खोजेको प्रस्त्याए ।

निर्देशकका अनुसार निर्माता छायांकनमा फिल्मका नायक र नायिकालाई सँगै राखेर सम्पादन गरेको र मन लाग्दी गरेको कारण असहमत जनाएको बताएका छन् । पछि निर्माताले निर्देशकलाई पोष्टमा आउन पर्दैन भनृ पछि विवाद चुलिएको हो । तर पनि निर्देशकले कारखानालाई फरक स्वादको मौलिक सिनेमा भएको दावी गरे । फिल्ममा वर्षा र सुशीलका अलावा नविन लम्साल, जेविका कार्की, विकास उप्रेतीको अभिनय देख्न सकिन्छ ।