मन्दिराको गीत सार्वजनिक

चलचित्र मन्दिराको एक गीत सार्वजनिक गरिएको छ । राजधानीमा विहीवार एक कार्यक्रमको आयोजना गर्दै गीत सार्वजनिक गरिएको हो । चलचित्र मन्दिरा पछिल्लो समय एउटै घर भित्र छायांकन गरिएको भनेर चर्चामा रहेको छ ।
चलचित्रका निर्देशक दीपेश सापकोटाले भने–‘यो काठमाण्डौको परिवेशमा घुमेको कथा हो । श्रीमान्–श्रीमतिको झगडापछि घरमा तेश्रो व्यक्तिको प्रवेश कसरी हुन्छ र त्यसले समस्या निम्त्याउँछ भन्ने कथालाई चलचित्रमा प्रस्तुत गरिएको छ ।’

असार २३ गतेबाट रिलिज हुने यो चलचित्रमा नरेन खड्का, जेवीडीसी, प्रवण भुषाल, लक्ष्मी बस्नेत, राजन सुवेदी, संझना श्रीपाली, राजन ढुंगानाको साथमा नव–कलाकारद्धय विनि पोखरेली र विनिता ओलीको मुख्य भूमिका छ ।