सात वर्षपछि एउटै चलचित्रमा देखिदै निशा र गजित
बिमल पौडेलद्धारा लेखन तथा निर्देशन गरिएको चलचित्र “पोखराकी काली“ छायांकनको क्रममा फिल्म युनिट चितवनमा पुगेका छन् । चलचित्रको छायाकंन पुरा हुन करिब चालिस दिन लाग्ने निर्देशक बिमल पौडेलले बताए ।
चलचित्र रेड हाउसको ब्यानरमा निर्माण गरिएको हो । चलचित्र फुल कमेडी बेसमा रहेकोे छ । चलचित्रको मुख्य भूमिकामा निशा अधिकारी र गजित बिष्ट रहेको छ ।
त्यस्तै चलचित्रमा सरोज खनाल,लय संगौला,सुबास गजुरेल,सुरबीर पण्डित ,मनोज श्रेष्ठ ,बिरेन डिसी ,पुष्प आचार्य ,गणेश गिरि ,सुसान्त श्रेष्ठ,प्रतिमा अधिकारी ,प्रेम श्रेष्ठ लगायतको अभिनय रहेको छ। मायोज बार मा सँगै देखिएको यस जोडिलाई पुनः सात वर्षपछि चलचित्र “पोखराकी काली“ मार्फत एउटै पर्दामा देखिने भएको छ ।
चलचित्र डास्पिनाकी विश्वास (अमित )ले निर्माण गरेका हुन् भने संचारकर्मी रबि अधिकारी कस्टिंग डिरेक्टरको रुपमा रहेका छन् । यस्तैगरी फिल्ममा बिपिन आचार्यको संगीत, कमल राईको नूत्य, लक्ष्मण घिमिरेको छायांकन, रबि बरालीे र प्रकाश कर्माचार्यको द्वन्द्व रहेको छ ।
यसमा तपाइँको प्रतिक्रिया दिनुहोस