प्रेम गीत २ ले कमायो दुई दिनमा ७५ लाख, रुद्र २५ मा सिमित(भिडियो)

फिल्मी फण्डा । शुक्रवारबाट प्रदर्शनमा आएको दुई चलचित्र प्रेम गीत २ र रुद्रको व्यापार सुखद् र सन्तोषजनक रहेको छ । फिल्म प्रेमगीत २ को व्यापार सुखद् हो भने रुद्रको सन्तोषजनक रहेको छ । शुरुको दिनमा ७५ प्रतिशत अकुपेन्सि कायम गरेको प्रेम गीत २ ले दोश्रो दिन अर्थात शनिवार ९० प्रतिशत अकुपेन्सि कायम गरे । वितरक गोविन्द शाही र मनोज राठीका अनुसार फिल्मले देशभरीबाट एक करोड माथिको व्यापार गरेको थियो । जसबाट निर्माता सन्तोष सेनको हातमा भने ३५ लाख पर्ने निश्चित देखिन्छ ।

पहिलो दिन नेट ३५ लाख कमाएको प्रेम गीतले दोश्रो दिन शनिवार पनि उस्तै व्यापार गरेको थियो । वितरककै अनुसार देशभरीबाट शनिवार फिल्मले १ करो २५ लाख माथिको व्यापार गरेको छ । जसबाट निर्माताको हातमा ४० लाख पर्ने देखिन्छ । यसरी दुई दिनमा झण्डै साह्रे २ करोड व्यापार गरेको प्रेम गीत २ ले निर्माताको लागि ७५ लाख नेट कमाएको देखिन्छ ।

निर्माता सन्तोष सेनले यो व्यापारलाई सुखद् मानिएको छ । राम शरण पाठक निर्देशित फिल्म आफैमा प्रेम गीत को ब्राण्ड सिक्वेल फिल्म हो । अर्को अर्थमा प्रदिपलाई पनि दर्शकले निकै रुचाएका छन् । नेपाल देखी म्यानमार सम्मको कथा र त्यस बिच प्रेम जोडीको प्रेमको वारेमा फिल्मले वर्णन गर्नेछ । फिल्ममा प्रदिपको अलवा अश्लेशा, सन्तोष सेन, शिशिर भण्डारी लगायतको मूख्य भुमिका रहेको छ । आईतवार पनि फ्रिल्मले राम्रो व्यापार गर्ने अनुमान छ ।

यस्तै फिल्म रुद्रले भने देशभरी सानो र सिंगल थिएटरमै चित्त बुझाउनु प¥यो । र पनि लागेका साना हलहरुमा रुद्र शुक्रवार र शनिवार हाउसफुल भयो । देशभरी बाट शुक्रवार र शनिवार गरेर झण्डै ७० लाखको कारोवार गरेको फिल्मले निर्माताको लागि भने २० देखी २५ लाख मात्रै सुरक्षित गर्ने देखिन्छ । आईतवारबाट फिल्मको व्यापारमा उत्तार चदाव आउन सक्ने अनुमान गरिएको छ । रामजी लामिछाने निर्देशित फिल्मलाई निखील उप्रेती प्रोडक्शनमै निर्माण गरिएको हो । जसमा निखीलको अलवा सारा र विश्व शर्माको पनि मूख्य भुमिका रहेको छ । निखील स्टार डमको क्रेज भने यो पटक खासै देखिएको छैन ।