ग्याङस्टार ब्लुजको ट्रेलर आउट, आना र आशिरमानको प्रशंसा (भिडियो)

फिल्मी फण्डा । अनन्य फिल्मस र विसि मोशन पिक्चर्सले संयुक्त रुपमा निर्माण गरिएको चलचित्र ग्याङस्टार ब्लुजको ट्रेलर सार्वजनिक भएको छ । राजधानीमा बुधवार एक कार्यक्रमको आयोजना गरि ट्रेलर सार्वजनिक गरिएको हो । चलचित्रमा ग्याङस्टारहरु बिचको द्धन्दलाई देखाईएको छ । साथमा प्रेम र रोमान्स पनि देखाईएको छ ।

सरोज न्यापाने निर्माता रहेको चलचित्रलाई हेमराज विसीले निर्देशन गरेका हुन् । शाहिल खानले तयार पारेको ट्रेलर हेरीसकेपछि डेब्बु नायका आशिरमान देशराज र आना शर्माको प्रशंसा गरिएको छ । यस अघि अनमोल केसीलाई डेब्बु गराएको हेमराज विसिले आशिरमानलाई यहि चलचित्रबाट डेब्बु गराएका हुन् । चलचित्रको ट्रेलरमा केही असभ्य शब्दहरु राखेको भन्दै केही सञ्चारकर्मीले आपत्ति जनाएका थिए ।

चलचित्रमा आशिरमान र आनाको साथमा संयम पुरी, प्रमोद अग्रहरी, अनुपम शर्मा, राम बाबु गुरुङ लगायत कलाकारहरुको अभिनय रहेको छ । चलचित्र आउँदो भदौ २ गतेबाट देश व्यापी प्रदर्शन गरिने निर्माण पक्षले बताईएको छ ।