सुटिङमा एकलव्य, धेरै समय पछि सुष्मालाई फिल्म
फिल्मी फण्डा । नेपाली फिल्म एकलव्य निर्माण हुने भएको छ । राजधानी स्थित कोटेश्वरको महादेव मन्दिरमा फिल्मको छायाँकन सुरु गरिएको छ । चलचित्र पत्रकार संघ, नेपालका अध्यक्ष सन्दिप सापकोटाले क्ल्याप ठोक्दै फिल्मको औपचारिक मुहूर्त गरेका थिए । धेरै समय पछि नायिका सुष्मा कार्कीलाई फिल्म हात परेको छ ।
तर उनले अभिनय गरेको फिल्मले दर्शकलाई कतिको रिज्याउने हो त्यो त फिल्म रिलिजको बेला थाहा हुनेछ । अनमोल शर्माले निर्देशन गर्न लागेको फिल्ममा सुष्माको अलवा सोनम थापा, पुष्कर राउत, विराट लोगन, महिमा सिलवाल, ओसिम भट्राई, उमेश खड्का, शुशील पोखरेल लगायतका कलाकारहरुको मुख्य भूमिका रहनेछ । फिल्मको मुहूर्त कार्यक्रममा बोल्दै निर्देशक अनमोल शर्माले एकलव्य ले नेपाली समाजमा घटिरहेको घटना बोल्ने बताएका छन् । राजन दुलाल, प्रविन श्रेष्ठ र अभि थापाको लगानी फिल्ममा रहने छ । बसन्त सापकोटा र राजेन्द्र बजगाईको संगीत रहेको फिल्मलाई कृष्ण श्रेष्ठले खिच्नेछन् । फिल्ममा शंकर महर्जनको द्धन्द्ध रहने छ ।
यसमा तपाइँको प्रतिक्रिया दिनुहोस