चलचित्र ऐश्वर्यको ट्रेलर रिलिज (भिडीयो)

फिल्मी फण्डा । चलचित्र ऐश्वर्यको ट्रेलर रिलिज गरिएको छ । बिहिबार राजधानीको राइजिङ मलमा एक कार्यक्रमको आयोजना गर्दै ट्रेलर रिलिज गरिएको हो । प्रस्तुत टेलरमा लब, रोमान्स, बिछोड र एक्सन देखाउन खोजिएको छ ।रोमान्स र एक्सन शैलीमा तयार पारिएको यो चलचित्र छठ पर्व लाई छेको पारि कार्तिक ९ गते प्रर्दशनमा आउने भएको छ ।

यस अघि सार्वजनिक भएको पहिलो गीत ‘तिमि रोएको पल’ र टिजरमा दर्शकको साथ राम्रो पाएको कारण फिल्मको ट्रेलरले पनि राम्रो साथ पाउनुमा निर्माण टिम आशातित छन् । ट्रेलरमा चलचित्रको नायिका दिपिका प्रसाईलाई सुपर मोडलको रुपमा देखाउन खोजिएको छ ।

दिवाकर भट्टराईद्वारा लेखन तथा निर्देशन गरिएको फिल्ममा रमेश उप्रेती , दीपिका प्रसाई , केकी अधिकारी , प्रशान्त ताम्राकार , अर्जुन श्रेष्ठ , निर्मल शर्मा , तेंजु योन्जन लगायत अन्य कलाकारकोे अभिनय रहेको छ । अर्जुन श्रेष्ठ र किरण राणा उप्रेती निर्माता रहेको यस चलचित्रमा निर्मल शर्मा कार्यकारी निर्माता रहेका छन् । चलचित्रमा रमेश उप्रेती प्रस्तुतकर्ताको रुपमा रहेका छन् भने अर्जुन पोखरेलको शब्द संगीत, र सुगम पोखरेल र अन्जु पन्तको स्वर रहेको छ । फिल्मलाई अल नेपाल डि.सी.एनले वितरण गर्नेछ ।