चेप्टे पेरुङ्गोमा माया बुन्दै दयाहाङ र दिया (भिडियो)

फिल्मी फण्डा । फिल्म लिली बिली घोषणा गरेका निर्देशक मिलन चाम्सद्धारा निर्देशित फिल्म ह्यापी डेजको गीत सार्वजनिक भएको छ । फिल्मको चेप्टे चेप्टे पेरुङ्गो बोलको गीत सामाजिक सञ्जालबाट सार्वजनिक भएको हो । गीतमा दयाहाङ राई र दिया पुनको माया देखाईएको छ ।

सार्वजनिक गीतमा शब्द संगीत राजनराज शिवाकोटीको रहेको छ भने राजन राज शिवकोटी र अञ्जु पन्तले स्वर दिएका छन् । मिलन चाम्स सहित विपी खनाल, भवानी शर्मा र हिरा जोशीले फिल्मको निर्माण गरेको हो । चाम्स ईन्टरटेन्मेन्ट र लण्डन सिने आई प्रोडक्शनमा निर्माण भएको फिल्मको गीतलाई कबिराज गहत राजले निर्देशन गरेका हुन् ।