स्वस्तिमा र भिमफेदी गाईज शिव परियारको नयाँ गीतमा (भिडियो)

फिल्मी फण्डा । नेपाली सांगीतक क्षेत्रका एक नक्षत्र हुन् शिव पपिरयार । उनको बहुआयामिक गीतहरुले नेपाली मन मस्तिकलाई छोटो समयमै कैद गरेका थिए । उनको गीत विरलै कसैलाई मन नपर्ला केही समय पछि उनै शिव परियाले एक गीत बजारमा ल्याएका छन् । उनको गीतको भिडियोमा केही नयाँपन दिन खोजिएको छ ।
आफ्नो भिडियोमा नयाँ प्रयोग गर्न रुचाउने निर्देशक विकास सुवेदीले सम्भवत नेपालमै पहिलो पटक पुर्णतया सेटमा म्युजिक भिडियोको छायाँकन गरेका छन् । नेपाल आइडल तथा सुपरहिट गीत काले दाइको समेत सेट बनाएका राजु पेन्टरले बनाएको सेट म्युजिक भिडियोका लागि पहिलो पटक प्रयोग गरिएको निर्देशक सुवेदीले बताएका छन् । गायक शिव परियारको स्वर तथा आफ्नै लगानीमा निर्माण भएको मेरो मायाले बोलको भिडियोमा भिमफेदी गाईज र नायिका स्वस्तिमा खड्का प्रस्तुत गरिएको छ । गायक शिव परियारको शिवालय एल्बममा समावेश गीतमा अर्जुन पोखरेलको शब्द तथा संगीत सुन्न सकिन्छ । भिडियोको कोरियोग्राफी भिमफेदी गाईजले नै गरेको हो । अहिले सांगीतिक टूरका लागि अमेरिकामा रहेका गायक शिव परियारले भिडियोलाई लिएर आफू निकै उत्साहित रहेको बताएका छन् ।