‘अन्तराष्ट्रिय फिल्म फेयर एकेडेमी अवार्ड’ दक्षिण कोरियामा हुदैँ
फिल्मी फण्डा । उकालो लाग्दै गरेको नेपाली फिल्म इन्डष्ट्रिमा अहिले विभिन्न अवार्ड सोहरु हुने गर्छ । चलचित्र क्षेत्रलाई अन्तराष्ट्रिय स्तरमा पु¥याउनको लागि अवार्ड सो हरु अहिले नेपालमा भन्दा पनि बाहिर देशहरुमा धेरै हुने गरेको छ ।
यस्तै, सोमबार काठमाण्डौंमा एक कार्यक्रमको आयोजना गर्दै ‘अन्तराष्ट्रिय फिल्म फेयर एकेडेमी अवार्ड’ दक्षिण कोरियाको राजधानी सियोलमा हुने जानकारी दिएको छ । कार्यक्रमको उद्घाटन निर्देशक मिलन चाम्स, नायिका पूजा शर्मा, नायक हसनराजा खान र गायक यूवराज चौलागाइले संयुक्त रुपमा गरेका थिए । सन् २०१८ को फेब्रुअरीको दोस्रो हप्तामा उक्त कार्यक्रम हुने भएको छ ।
उक्त अवार्डलाई बक्स अफिस ग्रुप प्रालि, कोरिया (एनआरएनए कोरिया), र गैर आवसिय नेपाली संघ राष्ट्रिय समन्वय परिषद्ले संयुक्त रुपमा आयोजना गर्न लागेका हुन् भने कार्यक्रमको व्यवस्थापन संगिक्षा फिल्मस्ले गर्ने भएको छ ।
आयोजक टीमले सन् २०१७ को जनवरी १ देखि डिसेम्बरसम्म रिलिज भएका नेपाली चलचित्रहरुलाई अवार्डमा सहभागिताका लागि दर्ता प्रक्रियामा सहभागी हुन आह्वान पनि गरेका छन् । चलचित्र, निर्देशक, नायक, नायिका, सह–अभिनेता, सह–अभिनेत्री, नव–अभिनेता, नव–अभिनेत्री, नव–निर्देशक, खलपात्र, लेखन, हाँस्य कलाकार, पाश्र्व गायक, संगीतकार, गीतकार, छायांकार, सम्पादक, कोरियोग्राफर र द्धन्द्ध निर्देशक गरि कुल २० विधामा अवार्ड वितरण गर्ने भएको छ ।
अवार्डको लोगो अनावरण पूर्व सांसद मोहन राइले गरेका थिए । चलचित्र क्षेत्रमा लामो समय देखि योगदान पु¥याउने एक जनालाई पनि ‘लाईफ टाइम अचिभ्मेन्ट’ अवार्डबाट सम्मान गर्ने भएको छ । यो अवार्डका जुरी सयोंजक पत्रकार भरत शाक्य हुन् ।
यसमा तपाइँको प्रतिक्रिया दिनुहोस