आर्यन र श्रृष्टीको जोडी पर्दामा देखिदै
फिल्मी फण्डा । आकाश अधिकारीको निर्देशन रहेको फिल्म के म तिम्रो हैन र बाट नेपाली रजटपटमा आएका नायक हुन् आर्यन अधिकारी । पहिलो फिल्मबाट संभावना देखाएका आर्यनको डेब्यु फिल्म व्यवसायिक रुपमा सफल नभएपनि उनी सबैको नजरमा परे ।
उनै आर्यनले अब भने हेमराज बिसी निर्देशित गाजलुबाट डेब्यु भएकी नायिका तथा पूर्व मिस नेपाल श्रृष्टि श्रेष्ठसँग स्क्रिन सेयर गर्ने भएका छन् । आर्यनले अहिले सम्म के म तिम्रो होईन र, बटरफ्लाई, जस्मिन लगायतका फिल्ममा प्रियंका कार्की, आशिष्मा नकर्मी, मरिष्का पोखरेलसँग रोमान्स गरिसकेका छन् ।
अब उनले सबीर श्रेष्ठले निर्देशन गर्न लागिएको फिल्म कसो कसो माया बस्यो नामक फिल्ममा श्रृष्टिसँग रोमान्स गर्ने भएका हुन् । निर्देशक सबीर श्रेष्ठले फिल्मी फण्डासँग कुरा गर्दै फिल्म चलचित्र विकास बोर्डमा दर्ता भएको जनाउँदै फिल्मको नाम परिवर्तन हुन सक्ने बताएका छन् । उनले फिल्मको नाम बाँध मायाले हुन सक्ने बताएका हुन् ।
फिल्मी फण्डालाई जानकारी गराउँदै उनले आर्यन र श्रृष्टिको जोडी फिल्ममा पक्का भएको बताएका हुन् । निर्देशक सबीरका अनुसार आउँदो साताबाट फिल्मको छायांकन शुरु हुनेछ । फिल्ममा अर्जुन पोखरेलको संगीत रहने बुझिएको छ । फिल्ममा आर्यन र श्रृष्टिको अलवा राजाराम पौडेल, किशोर खड्का लगायतका कलाकारहरुको पनि अभिनय रहनेछ ।
रामहरी धिताल, सविर श्रेष्ठ, बद्री प्रसाद लामिछाने निर्माता रहने फिल्मलाई बाबु श्रेष्ठले खिचिने निर्माण टिमले फिल्मी फण्डालाई जानकारी गराएका हुन् ।
यसमा तपाइँको प्रतिक्रिया दिनुहोस