आर्यन र प्रियंकाको मस्ती कालिञ्चोक डाँडाँमा (भिडियो)

फिल्मी फण्डा । आकाश अधिकारी निर्देशित फिल्म ‘के म तिम्रो हैन र ?’ बाट नेपाली रजटपटमा आएका नायक हुन् आर्यन अधिकारी । संभावना बोकेको नायकको रुपमा नेपाली फिल्ममा आएपनि उनको पहिलो फिल्म व्यवासायिक रुपमा सफल हुन सकेन । उनै आर्यन अभिनति दोश्रो फिल्म बटरफ्लाई मा उनले प्रियंका कार्कीसँग मस्ती गरेका छन् ।

कालिञ्चोकको डाँडाँमा आर्यन र प्रियंकालाई मस्ती गरिरहेको फिल्मको एक गीत मा देख्न सकिन्छ । ‘बटरफ्लाई’को शुक्रवार सार्वजनिक ‘म गाउँदिन अब गीत गजल’ बोलको गीतमा आर्यन र प्रियंकालाई कालिञ्चोकको डाँडाँमा ‘बटरफ्लाई’ भई उडिरहेको देख्न सकिन्छ । राजधानीमा एक कार्यक्रमको आयोजना गरि फिल्मका निर्माण टिमले शो गीत सार्वजनिक गरेका हुन् । द फ्रेम क्रियशनको ब्यानरमा निर्माण भएको फिल्मको गीतको शब्द रचना र संगीत अर्जुन पोखरेलको रहेको छ । गीतमा सुगम पोखरेल र अञ्जु पन्तको पाश्र्व गायन रहेको छ ।

उक्त गीतमा कोरियोग्राफर कबिराज गहतराजले आर्यन र प्रियंकालाई नचाएका हुन् । सुरेन्द्र आचार्यले खिचेको फिल्मलाई पुराना निर्देशक ओम प्रतिक (गुरुङ) ले निर्देशन गरेका हुन् । फिल्ममा पुष्पाञ्जली अधिकारीले लगानी गरेका छन् भने कार्यकारी निर्माता रमेश प्रजापति रहेका छन् । फिल्म आउँदो पौष २८ गतेबाट देशव्यापी प्रदर्शनमा ल्याउने तयारी भएको निर्माण पक्षले जानकारी गराएका छन् । भिडियो: