केशव भट्टराइ निर्माता संघको बरिष्ठ उपाध्यक्षमा मनोनित
फिल्मी फण्डा । निर्माता संघले संशोधित विधान अनुसार केशव भट्टराईलाई वरिष्ठ उपाध्यक्षमा मनोनित गरेको छ । संघको कार्यलय गहनापोखरीमा शुक्रबार आयोजित कार्यक्रममा भट्राईलाई वरिष्ठ उपाध्यक्षमा मनोनित गरिएको हो । शुक्रबार नै कार्यसमिति सदस्यमा विकासराज आचार्य र निश्चल बस्नेतलाई पनि मनोनित गरिएको छ । दुवैको मनोनयन पनि संशोधित विधान अनुसार नै गरिएको हो ।
यसअघि एक दुईजनामात्र उपाध्यक्ष रहने व्यवस्था थियो भने कार्य समिति सदस्यमा पनि ११ जना सदस्य रहने व्यवस्था थियो । जसमध्ये ९ जना चुनावबाट र दुई जना कार्यसमितिले छनोट गर्ने व्यवस्था थियो । नयाँ संशोधन अनुसार १२ जना चुनावबाट र २ जना मनोनयनबाट कार्यसमितिमा छनोट हुनेछन् । योसँगै निर्माता संघ २१ सदस्यीय कार्यसमितिमा रुपान्तरण भएको छ ।
संघका उपाध्यक्षमा मनोनित भएका केशव भट्टराइले निर्माताको हकहितका लागि आफु तन मनले लागि पर्दै आईरहेको र निरन्तर लागिपर्ने बताएका छन् । उनले आफ्नो कार्यकाल रहेसम्म बै निर्माताको हक हिटमा उभिने बताएका हुन् । आफ्नो हनुभवलाई निर्माता सँघलाई प्रभावकारी बनाउन प्रयोग गर्ने पनि बताए ।
यसमा तपाइँको प्रतिक्रिया दिनुहोस