‘कृ’ फेरी सर्छ की सर्दैन ? सुबास दाई !
अनमोल र दयाहाङको होला भिडन्त ?

फिल्मी फण्डा । अनमोल केसी स्टारर फिल्म ‘कृ’ को पटक पटक रिलिज डेट तय गर्दै सार्दै आईरहेको छ । चलचित्रका निर्माण टिमले फिल्मको छायांकन नै नसकाई लगातार रिलिजडेट तय गर्दै सार्दै आईरहेको हो । निर्माता सुवास गिरीका अनुसार अब भने फिल्म माघ २६ गते रिलिज हुने भएको हो । तर यो नै कन्फर्म रिलिज डेट हो हैन पत्याउन गाहे छ । प्रतिक्षित फिल्म भएका कारण यसको रिलिज डेट लगातार तय गर्दै सार्दै गर्दा दर्शहरुलाई अप्ठेरो हुन सक्छ ।

निर्माता सुवास गिरीले माघ २६ गते फिल्म रिलिज हुने जानकारी सामाजिक सञ्जाल मार्फत गरिएको हो । त्यहि दिन श्वेता खड्का अभिनित फिल्म ‘कान्छि’ पनि प्रदर्शन हुने जानकारी यस अघि नै तय भईसकेको छ । यदि सोही दिन दुबै फिल्म प्रदर्शन हुने हो भने अनमोल केसी र दयाहाङ राईको स्टारडमको प्रतिस्पर्धा हुनेछ । यसो त दयाहाङको सोलो अभिनय ‘घामपानी’ बाहेकका सबै फिल्महरु व्यवासायिक रुपमा सफल छैनन् । जस कारण पनि ‘कान्छि’लाई ठूलो नोक्सानी हुने देखिन्छ । यसर्थ यहाँबाट के पुष्टि हुन्छ भने कि ‘कृ’ को रिलिजडेट फेरी सर्नेछ, कित फिल्म ‘कान्छि’ रिलिज हुने छैन । यदि यसो गरेमा यी दुबै फिल्मलाई फाईदा हुनेछ नत्र दुबै फिल्म रिलिज हुँदा अप्रत्यक्ष रुपमा ‘कृ’ लाई केही बेफाईदा हुनेछ भने फिल्म कान्छिलाई प्रत्यक्ष रुपमै धेरै हानी हुनेछ ।