तौलको कुराले बलिउडमा विद्या माथि प्रश्न
फिल्मी फण्डा । नायिक नायिका भएपछि फिट र हिट हुनुपर्ने सबैलाई लाग्छ तर सबै नायिका फिट नै हुनुपर्छ भन्ने पनि छैन । नायिका विद्या बालनको तौलको चर्चा अहिले जहाँ पनि हुने गर्दछ । बलिउडमा केही नायिकाको तौलको चर्चा यति धेरै हुन्छ कि, त्यो सुनेर नायिकाहरु आफैपनि दिक्क भैसकेका छन् ।
नायिका जरिन खानले त मिडियाकै कारण आफू अगाडि आउन नसकेको बताइसकेकी छिन् भने विधा बालनले भने नयाँ चलचित्रको प्रमोशन क्रममा पत्रकारलाई आफ्नो हेर्ने तरिका वदल्न सुझाव दिएकी छिन् । विद्यालाई एक पत्रकारले – ‘तपाई अब आफ्नो तौल घटाएर ग्ल्यामर रुपमा प्रस्तुत हुने सोचमा त हुनुहुन्न ?’ भनेर सोध्दा विद्याले –‘म मेरै हालतमा ठिक छु । मुख्यरुपमा तपाइहरुले आफ्नो हेर्ने तरिका बदल्न जरुरी छ ।’ भनेर उत्तर दिएका छन् ।
विद्या यसपटक भने तौलको बिषयले केही आक्रोशित भएकी छिन् र साथै, उनले तौलले काममा कुनै असर नगर्ने समेत तर्क दिएकी छिन् ।
यसमा तपाइँको प्रतिक्रिया दिनुहोस