आइटम अडियोमा निखील र साराको फिगर

फिल्मी फण्डा । फिल्म ‘पिंजडा ब्याक अगेन’ को आइटम गीतको अडियो भर्सन सामाजिक सञ्जालमा रिलिज गरिएको छ । उक्त अडियो गीतमा भने फिल्मका कलाकारहरु निखील उप्रेती र सारा श्रीपाईलीको फिगर स्लाईड शो गरिएको छ ।

‘बल्यो धप धप यो जवानी’ बोलको गीतमा शशी रावलको स्वर छ भने बसन्त सापकोटाको संगीत छ । डा. कृष्णहरी बरालले गीतको शब्द लेखेका हुन् । हिमाल केसी निर्देशित फिल्मका प्रस्तुतकर्ता श्रीराम बराल हुन् । सौरभ लामाले फिल्म खिचेका छन् ।

निखिल उप्रेती, सारा शिर्पाली, ज्याक श्रेष्ठ, बिना थापा, सुश्मिता केसी, पुकार भट्टराई, कुशाग्र भट्टराई, भोलाराज सापकोटा लगायतको मूख्य भुमिका फिल्ममा रहेको छ । फिल्ममा कोरियोग्राफी रामजी लामिछानेले गरेका हुन् । रोहित पुरी, गोविन्द गैरे, चन्द्र बहादुर क्षेत्री निर्माता रहेको फिल्ममा सह निर्मातामा रमेश सुवेदी र बाबुराजा सिह छन् ।