फिल्म “कृ” सँग “कान्छी” जुध्न डराएकै हो त ?
अन्तत: कान्छीले खोज्यो सुरक्षित डेट

फिल्मी फण्डा ।  के साँचै नै “कृ” सँग फिल्म “कान्छी” जुध्न डराएकै हो त ?  फिल्म कान्छीले आफ्नो लागि सुरक्षित मिती खोजेको छ । केही हप्ता यता फिल्म “कृ ” र “कान्छी” एकै डेटमा रिलिज हुने भएपछि सिने बजारमा एक प्रकार गर्माहत पैदा भएको थियो । तर, अब भने फिल्म युनिटले नयाँ रिलिज मिती तय गरी फिल्म फागुन ४ गतेलाई लक गरेको छ ।

अब माघ २६ गते अनमोल केसी स्टारर “कृ” मात्रै लाग्ने भएको छ । श्वेता भन्छिन् – “मलाई फिल्म कृ सँग जुध्न मन लागेन । कृ टिमसँग धेरै छलफल गर्ने कोशिस गरे पनि कुनै निर्णय नभएपछि म आफैं सरेकी हुँ ।”  फिल्म कान्छीको चरी चट्ट परी बोलको गीतले थोरै समयमा नै दर्शकको निक्कै साथ पाउन सफल भएको छ । आकाश अधिकारी निर्देशित फिल्ममा श्वेता र दयाहाङ राई मुख्य भूमिकामा रहेको छ ।