यस कारण जुध्दैछ साम्राज्ञी र केकी

फिल्मी फण्डा । राम्रो डेटमा धेरै फिल्म जुधाएर चलाउनु खासै नौलो कुरा होईन । राम्रो डेट पाउने बितिकै प्राय फिल्महरु लगातार रुपमा रिलिजको लागि तछाड मछाड गर्ने गर्छन् । तर अन्तत एकले अर्कोलाई छोड्दै वा कुनै कारण देखाउँदै रिलिज मिती सार्ने पनि गर्छन् ।
अहिले यस्तै भएको छ, चैत्र २३ गते प्रदर्शन हुने फिल्महरुमा । चैत्र २३ गते अर्थात नयाँ बर्षको छेकोमा केही फिल्महरु एक साथ रिलिज हुने कुराले यतिखेर सिनेबृत तरंगीत छ ।

तिमी सँग र कोहलपुर एक्सप्रेस एक साथ रिलिज हुने चर्चा चल्न शुरु भएको छ । धेरै पटक रिलिज मिती सार्दै फिल्म तिमी सँगले चैत्र २३ मा फिल्म रिलिज गर्ने निधो गरेको हो । अभिनेत्री केकी अधिकारीको निर्माणमा बनेको फिल्म कोहलपुर एक्सप्रेस अर्को बर्षको बैशाख १४ मा रिलिज गर्ने जानकारी फिल्म घोषणाताका दिईएको हो । तर उक्त मितीबाट अघि सरेर फिल्म कोहलपुर एक्सप्रेस अब चैत्र २३ मै रिलिज गर्ने बताईएको छ ।

साम्राज्ञी अभिनित तिमी सँग सँग केकी, प्रियंका कार्की र रिचा शर्मा अभिनित कोहलपुर एकसप्रेस लाग्ने बुझिएको छ । नयाँ बर्षको छेकोमा दर्शकको साथ राम्रो पाउने र राम्रो सँग फिल्म चले दोश्रो हप्तामा नयाँ बर्ष पनि पाउने आशाले दुबै फिल्म चैत्र २३ गते रिलिज गर्ने निर्णय गरिएको बुझिएको छ । यसो त चैत्र २९ गते पनि ठूला ब्यानरका तीन फिल्म रिलिज हुने संभावना देखिएको छ ।

यी दुई फिल्म एक साथ हुने रिलिज हुने भएपछि स्टारडमको प्रतिस्पर्धा पनि हुने देखिएको हो । एकल साम्राज्ञीसँग केकी, प्रियंका र रिचाको स्टारडम प्रतिस्पर्धा हुने भएको छ । यसो त फिल्म तिमी सँगमा नाजिर हुसेनको पनि अभिनय रहेको छ । जे होस् दुबै फिल्मलाई दर्शकले प्रतिक्षाको रुपमा हेरिएको छ । दर्शकले कुन फिल्मलाई बढि रुचाइएला त्यो रिलिज पछि नै थाहा हुनेछ । यसो त पटक पटक रिलिज मिती सारिदै आएको फिल्म तिमी सँगले यो मिती बाट पनि फिल्म नसारिएला भन सकिन्न ।

फोटो : फिल्म नेपाल र ग्लामर नेपाल अनलाईनबाट