अब फाल्गुन २५ बाट नसरोस् ‘मंगलम’
फिल्मी फन्डा। फिल्म क्षेत्रमा बाघ निर्माताको छवि बनाएका पुराना र अब्बल ब्यवसायीक निर्माता छबिराज ओझाले निर्माण गरेको फिल्म ‘मंगलम’ अब फाल्गुन २५ गते रिलिज हुने भएको छ। यस अघि ४ पटक रिलिज मिती सारिएको फिल्म मंगलम अब ५ औं पटक मा रिलिज हुन लागिएको हो।
यस अघि नयाँ बर्ष र भाद्रमा रिलिज हुने कुरा थियो तर भएन। त्यसपछि दशैंमा फिल्म ‘छक्का पञ्जा २’ संग लाग्ने भनिएता पनि रिलिज गरिएन। फाल्गुन ४ गते रिलिज गर्ने तयारीमा रहेका थिए। तर उक्त मितीमा ‘कान्छी’ आउने भएपछि ‘मंगलम’लाई गार्हो भएको बुझ्न सकिन्छ। फिल्म ‘कृ’ को हल ओभर नटुट्ने हुनाले पनि फाल्गुन ४ गार्हो हुने बुझिएको हो।
अब उक्त डेटबाट ‘मंगलम’ सरेर फाल्गुन २५ मा रिलिज हुन लागिएको हो। एक ताका निर्माता छबिराज ओझाले फिल्म रिलिज गर्न लागिएको डेटमा अरु फिल्म सहजै आउन सोच्नु पर्ने अबस्था थियो। तर अहिले निर्माता छबिराजको फिल्म अरु फिल्मको डेटबाट लगातार सरिरहनु पर्ने अबस्था आएको छ।
फिल्म कमजोर भएको कारण हो या सबै फिल्मले ब्यवसायीकता हासिल गर्न सकोस भनेर हो निर्माता छबिराजले ‘मंगलम’ सार्दै आईरहेको छ। नवल नेपाल निर्देशित फिल्म ‘मंगलम’मा शिल्पा पोखरेल र पुष्पल खड्काको मुख्य भुमिका रहेको छ। फिल्ममा साम्राज्ञीको पनि भुमिका रहेको छ। फिल्मको ‘पर्ख पर्ख मायालु’ बोलको गीत हिट भईसकेको छ। अब फेरी ‘मंगलम’ फाल्गुन २५ बाट नसरिएला भन्न सकिन्न। फाल्गुन २५ मै फिल्म ‘हुर्रे’ र ‘गाँजा बाजा’ पनि रिलिज हुने तयारीमा रहेको छ।
यसमा तपाइँको प्रतिक्रिया दिनुहोस