दिपीकाले “पद्मावत” मा किन लिईन् शाहिद र रणवीरको भन्दा झन्डै दोब्बर पारिश्रमिक
फिल्मी फण्डा । पछिल्लो समय निकै नै विवादमा तानिएको फिल्म ‘पद्मावत’ (पद्मावती) मा दिपीकाको पारिश्रामिकको कुरा अहिले चर्चामा आएको छ । बलिउड समाचारअनुसार, ’रानी पद्मावती’को भूमिकामा देखिनी अभिनेत्री दीपिका पादुकोणले फिल्मको लागि ११ करोड पारिश्रमिक लिएकी थिइन् ।
फिल्ममा उनले निकै वजनदार लुगा र गरगहना लगाएकी छिन् । दिपीकाले आफ्नो भूमिकालाई जीवन्त बनाउनका निम्ति ११ करोड लिएको बुझिएको छ । यस्तै एक्टर रणवीर सिंहले खिलजीको भूमिका निर्वाहा गर्नको लागि ८ करोड फिस लिएको खबर बाहिरीएको छ भने राजा महारावल रतन सिंहको भूमिकाको लागि एक्टर शाहिद कपुरले ६ करोड फिस लिएको खबर बाहिरीएको छ ।
फिल्म २५ जनवरीमा रिलिज हुने भनिए तापनि यसको विवादले अचै चर्को रुप लिईरहेको छ । यदि फिल्म रिलिज भएमा राजपूत समूहले फिल्म हलमा आगो लगाईदिने, र ज्यान मार्ने धम्की समेत दिईरहेका छन् । फिल्म राजस्थान, गुजरात, मध्यप्रदेशपछि अब हरियाणाको खट्टर सरकारले पनि आफ्नो प्रदेशमा फिल्म प्रदर्शन नगर्ने निर्णय लिएको छ । विभिन्न राज्यमा प्रदर्शन नहुने भएपछि फिल्मलाई निकै ठूलो घाटा हुने देखिएको छ ।
यसमा तपाइँको प्रतिक्रिया दिनुहोस