फिल्मी फण्डा। प्रदीप शाहीको निर्देशनमा निर्माण भएको  वैज्ञानिक कथामा आधारित फिल्म ‘एक्लो’ को पहिलो प्रोमोशनल गीत ‘एक्लै बाच्नु खुरुखुरु’ सार्वजनिक भएको छ । 

गीतमा शान्तीश्री परियारको स्वर रहेको छ भने शब्द सपनील शर्मा र संगीत रोहित शाक्य को रहेको छ ।

सार्वजनिक गीत ‘एक्लै बाच्नु खुरुखुरु’ मा अभिनेत्री कविता नेपाली को आकर्षक नृत्य देख्न सकिन्छ । गीतको भिडियो काठमाडौँमा भब्य सेट लगाएर छायांकन गरिएको थियो, जसको कोरियोग्राफी कविता नेपालीले नै गरेकी हुन् ।

नेपाली चलचित्र क्षेत्रका लागि दुर्लभ मानिने वैज्ञानिक कथामा आधारित यस फिल्ममा अभिनेता प्रदीप खड्का मुख्य भूमिकामा छन् ।

फिल्मको पोस्ट(प्रोडक्सन कार्य हाल लन्डनमा भइरहेको छ । निर्माण टिमले आगामी पुसमा क्रिसमस को अवसर पारेर फिल्म रिलिज गर्ने तयारी गरेको छ ।

निर्देशक शाही लामो समयदेखि बेलायतमा बसोबास गर्दै आएका छन् । उनले ‘एक्लो’ लाई हलिउडस्तरको प्रविधि र प्रस्तुति दिने लक्ष्यसहित निर्माण गरिरहेका छन् ।

यसअघि सार्वजनिक टिजरमा प्रदीप खड्कासँगै विजय लामा, दिया पुन, कविता नेपाली, जेमी बेकन र बेनिशा हमाल लगायतका कलाकारहरू देखिएका थिए । ‘एक्लो’ ले यसअघि प्रतिष्ठित कान्स फिल्म फेस्टिभल को बजार क्षेत्र ९ःबचपभत० मा समेत आफ्नो उपस्थिति जनाइसकेको छ ।

फिल्मका मुख्य कलाकारहरूमा प्रदीप खड्का, विजय लामा, सुनील थापा, दिया पुन, बेनिशा हमाल, दिनेश डीसी, कविता नेपाली लगायत छन् । बेलायती अभिनेता जेमी बेकन पनि फिल्ममा देखिनेछन् ।

फिल्ममा बाबु श्रेष्ठ को छायांकन, राजु तामाङ को द्वन्द्व निर्देशन, राजु पेन्टर को सेट डिजाइन र द्रोणप्रसाद पौडेल ‘ठेउके’ को प्रोडक्सन डिजाइन रहेको छ ।

विनोद सुवेदी ‘क्षितिज’ कार्यकारी निर्माता रहेको यस फिल्ममा राजकुमार गुरुङ, हरि श्रेष्ठ, विष्णु तामाङ लगायत थुप्रै निर्माताको लगानी रहेको छ ।

दिपेश रोक्का २०८२ आश्विन २९,बुधवार ०९ : ५९ AM

1k Shares