फिल्मी फण्डा। चलचित्र ‘किन लाग्छ माया’को पहिलो गीत सार्वजनिक गरिएको छ। निर्माण पक्षले केही समयअघि पोस्टर सार्वजनिक गरेलगत्तै अहिले गीत रिलिज गरेको हो।कुबेर तामाङको निर्देशनमा तयार भएको यो चलचित्रको प्रदर्शन मिति सन् २०२६ का लागि तय गरिएको छ। सार्वजनिक ‘धौले धन्सार’ बोलको गीत लोक शैलीमा आधारित छ। पुष्कर सुनुवार, शान्तिश्री परियार र गोपाल ढकाल ‘छन्दे’को स्वर रहेको यस गीतमा डा. आशबहादुर तामाङ को शब्द र पुष्कर सुनुवारको संगीत छ। अडियो सुमधुर रहेको यस गीतको भिडियोलाई रामजी लामिछानेले कोरियोग्राफी गरेका हुन्।

भिडियोमा चलचित्रका मुख्य कलाकारहरू सञ्जित भण्डारी, जाहान्वी बस्नेत, ऋचा थापा, मिस पबी र हिउँवाला गौतमका साथै नव-नायक स्याडो रियल, उत्तम केसी र सेजल सुवेदीको आकर्षक नृत्य देख्न सकिन्छ।

चलचित्रमा राजेन्द्र खड्गी, रवि डंगोल, गोपाल ढकाल, सम्रान्त थापा, बेग पहारी, निरोज खुलाल, रामकाजी घिमिरे, सुभाष गजुरेल, रविन्द्र खड्का, सुनिल कटुवाल, विनोद ढकाल, अनु खत्री, सविन बास्तोला, गीता अधिकारी लगायतको अभिनय छ।

सञ्जित भण्डारी र मोनु खड्काको लगानी रहेको यस चलचित्रलाई आरआर फिल्मस्ले वितरण गर्नेछ। राजेन्द्र खड्गीको द्वन्द्व निर्देशन रहेको चलचित्रमा रामशरण उप्रेती र रामकुमार केसीको छायांकन (DOP), बनिष शाह र नविन चौधरीको सम्पादन, रामकाजी घिमिरेको पटकथा तथा संवाद र स्याडो रियलको कथा/शब्द रहेको छ।

दाजुभाइको कथामा आधारित यो चलचित्रले दर्शकको मन जित्नेमा निर्माण पक्ष पूर्ण रूपमा विश्वस्त देखिएको छ।

फिल्मी फण्डा २०८२ पौष २३,बुधवार ०५ : ०७ PM

703 Shares