फिल्मी फण्डा । अगामी फागुन १४ अर्थात महाशिवरात्री बाट  प्रदर्शनमा आउन लागेको चलचित्र  ‘मायावी’ को पहिलो गीत ‘त्यो माया हो’ सार्वजनिक गरिएको छ। यस गीतको भिडियोमा फिल्मका मुख्य कलाकार, नायक पल शाह र नायिका दीपिका प्रसाँइ को बीचको प्रेम भावनालाई प्रगट गरिएको छ।

रोमान्टिक लुकमा पल र दीपिकाले एकअर्कामा गहिरो प्रेमको अनुभूति व्यक्त गरेका छन्। गीतमा एसडी योगी र सदीक्षा कट्टेलको स्वर, राम अविरल बिष्टको शब्द, र एसडी योगीकै संगीत सुन्न पाइन्छ। सार्वजनिक गीतको भिडियोलाई प्रसिद्ध कोरियोग्राफर कविराज गहतराज ले तयार पारेका हुन्। फिल्मको डीओपी राजु विक्रम थापा हुन् भने सम्पादन मिलन श्रेष्ठ द्वारा गरिएको छ।

‘मायावी’ फिल्मको कथा, लेखन, र निर्देशन दिवाकर भट्टराइ ले गरेका छन्। यस फिल्मको लगानी ध्रुव न्यौपाने, राज कटुवाल, र चन्द्र पन्त को छ, जबकि कार्यकारी निर्माता प्रविण भट्टराई र करण सिंह हुन्। सह–निर्मातामा मञ्जु भण्डारी, राजु पराजुली, र सुमित ओली को योगदान रहेको छ।

फिल्ममा पल शाह र दीपिका प्रसाँइ का साथै प्रशान्त ताम्राकार, सुशिल सिटौला, करिश्मा श्रेष्ठ, लक्ष्मी गिरी, अञ्जु महर्जन, राजाराम पौडेल, रवि डंगोल, राम प्रसाई, दीपेन्द्र सिम्खडा, र संगीता सिलवाल ले पनि अभिनय गरेका छन्।

‘मायावी’ फिल्ममा शम्भुजित बास्कोटा र एसडी योगी को संगीत रहेको छ, र ट्रेलरको निर्देशन साहिल खान ले गरेका छन्। फिल्मको मुख्य उद्देश्य प्रेम र मित्रताको महत्व दर्शकलाई बुझाउनु हो, र निर्देशक भट्टराइ यसमा विश्वास व्यक्त गर्छन्।

हाल कमेडी, एक्सन, र पारिवारिक फिल्महरूको हाबी भइरहेका बेला नेपाली फिल्म उद्योगमा लभ स्टोरीको कमी महसुस भइरहेको छ। यस्तो अवस्थामा, ‘मायावी’ ले यो खाली स्थान पुरा गर्ने अपेक्षा गरिएको छ।

फिल्मी फण्डा २०८१ पौष १७,बुधवार १२ : ४० PM

3.5k Shares