फिल्मी फण्डा । भाद्र १० गते भोटेकोशी क्षेत्रमा आएको विनाशकारी बाढीबाट ठूलो मानवीय तथा भौतिक क्षति भएको छ। बाढीका कारण हजारौं नागरिक प्रभावित भएका छन् भने ठूलो संख्यामा जनधनको क्षति भएको सरकारी विवरण छ। प्रभावित क्षेत्रमा उद्धार, राहत तथा पुनःस्थापनाका लागि विभिन्न क्षेत्रबाट सहयोग जुटिरहेको छ।

सरकारले राहत तथा पुनःस्थापनाको कामलाई व्यवस्थित बनाउन एकद्वार प्रणाली लागू गर्दै प्रधानमन्त्री दैवी प्रकोप उद्धार कोषमार्फत सहयोग गर्न आग्रह गरेको छ। उक्त कोषमा कलाकार तथा कलाकर्मीहरूले पनि आर्थिक सहयोग घोषणा तथा प्रदान गरेका छन्।

कतिपय कलाकारले नगद सहयोग गरेका छन् भने केहीले प्रभावित क्षेत्रमा प्रत्यक्ष पुगेर खाद्यान्न, लत्ताकपडा तथा अन्य आवश्यक सामग्री वितरण गरिरहेका छन्। कलाकार पल शाह, दीपाश्री निरौला, दुर्गेश थापालगायत विभिन्न कलाकर्मी राहत तथा उद्धार अभियानमा जोडिएका छन्। अभिनेता निखिल उप्रेतीले आफ्नो फिल्मको एक शो च्यारिटीका रूपमा प्रदान गर्ने घोषणा गरेका छन्।

कलाकर्मीमध्ये केहीले प्रधानमन्त्री दैवी प्रकोप उद्धार कोषमा नगद सहयोग गरेका छन्। उपलब्ध विवरणअनुसार सहयोग गर्ने कलाकर्मी तथा चलचित्र टिमको सूची यस्तो छ।

नगद सहयोग गर्ने कलाकर्मी तथा चलचित्र टिम

नगदसँगै प्रत्यक्ष राहतमा पनि कलाकर्मी

कलाकारहरूको सहयोग नगदमा मात्र सीमित छैन। केही कलाकर्मी स्वयं प्रभावित क्षेत्रमा पुगेर खाद्यान्न, कपडा तथा आवश्यक सामग्री वितरणमा सक्रिय छन्। यसले विपद्का बेला मनोरञ्जन क्षेत्रमा आबद्ध व्यक्तिहरूको सामाजिक उत्तरदायित्वप्रतिको सक्रियतालाई पनि देखाएको छ। उपलब्ध विवरणअनुसार माथि उल्लेखित रकम नगद सहयोगसम्बन्धी सार्वजनिक रूपमा आएको विवरण हो। 

फिल्मी फण्डा २०८३ भाद्र १६,मंगलवार ०५ : ४० PM

500 Shares