फिल्मी फण्डा । आयंका फिल्म्सको प्रस्तुति ‘मास्टर्नी’ को पहिलो पोस्टर सार्वजनिक गरिएको छ। पोस्टरमा शीर्ष भूमिकाकी अभिनेत्री प्रियंका कार्की रहस्यमयी अवतारमा प्रस्तुत भएकी छन्।

बाथटबमा शान्त मुद्रामा देखिएकी प्रियंकाको अभिव्यक्ति र पोस्टरको ट्यागलाइनले फिल्म मनोवैज्ञानिक थ्रिलर शैलीको रहेको संकेत गर्छ। पोस्टर ट्राइडेन्ट कन्सेप्टका लागि रोयल भीमसेनले डिजाइन गरेका हुन्।

शुभेन्दु घोष निर्देशित फिल्ममा प्रियंका कार्कीसँगै आर्यन सिग्देल, सरोज खनाल, गौरी मल्ल, प्रमोद अग्रहरी, ऋचा शर्मा, अनुपविक्रम शाही, सिम्रन खड्का, रक्षा थापा र दिनेश काफ्लेको अभिनय छ।

प्रियंका कार्कीको कथामा शान बस्नेतको पटकथा तथा प्रियंका र शानकै संवाद रहेको फिल्म आगामी भदौ ५ गते नेपालीसहित १० भाषामा एकसाथ प्रदर्शनमा आउने तयारीमा छ।

फिल्मी फण्डा २०८३ आषाढ १९,शुक्रवार १२ : १८ PM

178 Shares