उत्तम प्रधान आए नेपाल

फिल्मी फण्डा। नेपाली फिल्म 'कल्ली' को छायांकन शनिबारबाट सुरु हुने भएको छ। नायक उत्तम प्रधान भारतबाट नेपाल आइपुगेका छन् र उनलाई प्रस्तुतकर्ता किरण नेपालीले विमानस्थलमा स्वागत गरेका छन्। यस फिल्ममा उत्तमको मुख्य भूमिका हुनेछ र उनी ३५ दिनसम्म नेपालमा रहनेछन्।

यस फिल्मको छायांकन काठमाडौंमा सुरु हुनेछ र कथालाई लक्ष्मण सुनारले निर्देशन गरेका छन्। निर्माता हिमाल कडरिया र अमला देबी राई हुन् भने सरोज नेपाली कार्यकारी निर्माताको रुपमा रहेका छन्।

फिल्ममा उत्तम प्रधानसँगै सौगात मल्ल, अर्पण थापा, बेनिशा हमाल, नाजिर हुसेन, वर्षा राउत, विनोद न्यौपाने लगायतका कलाकारहरुको अभिनय हुनेछ। छायांकनका लागि निसाल पौडेल जिम्मेवार रहेका छन्।

उत्तम प्रधान लामो समयपछि नेपाली फिल्ममा फर्किन लागेका हुन्। यस अघिका केही समयमा उनले निरुता सिंहसँग म्युजिक भिडियोमा काम गरेका थिए।

'कल्ली' लेकाली इन्टरटेन्मेन्ट र कस्तुरी प्रोडक्सनको ब्यानरमा निर्माण भइरहेको छ। यस फिल्मलाई नेपाली दर्शकलाई नयाँ र रोचक कथासहित प्रस्तुत गर्ने उद्देश्य रहेको छ।

फिल्मी फण्डा २०८१ फाल्गुण ९,शुक्रवार ०७ : २१ PM

3.3k Shares